Сокин тунлар, оромбахш

тунлар,

Хаёлларга чўмади бир қиз.

Бахти ярим, дилда тугунлар,

Тонг отганча ўтирар ёлғиз.

Сокин тунлар, оромбахш

тунлар,

Ой ўроғи таратар ёғду.

Хасратидан армонлар унар.

Фақат сизни ўйлайверар у.

Сокин тунлар, оромбахш

тунлар,

Яшаяпсиз саволларида.

Исмингизни пичирлаб минг

бор,

Бахтли бўлар хаёлларида!

Сокин тунлар, оромбахш

тунлар,

Билолмай лол, гунохларини.

Ёниб-ёниб бўлса ҳам адо,

Ранжитолмас Паноҳларини.

Сокин тунлар, оромбахш

тунлар,

Юзларида хижрон излари.

Ярим тунда уйғониб базан,

Дадасини сўрар қизлари.

Сокин тунлар, оромбахш

тунлар,

Ўй суради узундан узоқ.

Ўттизга ҳам етмасдан туриб,

Бошидаги мингта тола оқ.

Сокин тунлар, оромбахш

тунлар,

Ёш қалқийди кўзчаларига.

Алла айтиб беради шўрлик,

Тирик етим қизчаларига.

Сокин тунлар, оромбахш

тунлар,

Тугаб борар сабру дошлари.

Эслатади бевафо ёрни,

Қизларининг кўзу қошлари.

Сокин тунлар, оромбахш

тунлар,

Туйғулари ураверар жўш.

Ёлғизлигин эслатиб афсус,

Ёстиғининг ярми турар бўш

Сокин тунлар, оромбахш

тунлар,

Ғийбатлардан бўлолмас

холи.

Билиб қўйинг бир куни

албат,

Шу гўзалнинг тутар уволи.

Сокин тунлар, оромбахш

тунлар,

Оро кирмай қўйди жонига.

Қўшиб қўйди тақдир исмини,

"Бева" деган номнинг ёнига.

Сокин тунлар оромбахш

тунлар,

Кўзларидан тинмайди ёши.

Остонадан чиқса бир қадам,

Маломатга қолади боши.

Сокин тунлар, оромбахш

тунлар,

Дўнёларга сиғмай кетар гох.

Таскин берар ўксик қалбига,

Ёлғизларнинг ёридир, Аллоҳ!

Сокин тунлар, оромбахш

тунлар...

Ўтиб борар умри азобда.

Соғинган у, сизни кўргиси,

Келаяпти айни шу тобда.

Сокин тунлар, оромбахш

тунлар,

Вужудини қоплайди титроқ.

Унутгансиз уни хой-наҳой,

Қилмаяпсиз хатто қўнғироқ.

Сокин тунлар, қоп-қора

тунлар,

Кўзларига келмайди уйқу.

Ёлғиз қолган кунидан буён,

Юзларидан йўқолган кулгу.

Сокин тунлар, беором

тунлар,

Зулфин ёйиб, тарар паришон.

Одамлардан безиб қолган у,

Гап-сўзлардан чарчаган

чунон.

Сокин тунлар, о сокин

тунлар,

Бир ожиза йиғлар то сахар.

Жудо бўлган бахт саройида,

Хаёллари кезар дарбадар.

Сокин тунлар қоронғу

тунлар,

Йиғлаб ухлаб қолди қизчаси.

Кеча топиб келди янги гап,

Ўғил кўрган эмиш дадаси.

Сокин тунлар, қоронғу

тунлар,

Кўзларида қолмади ёши.

Яна қанча чидайди ёлғиз,

Қачонгача етар бардоши.

Сокин тунлар, осуда тунлар,

Ухла синглим кузларингни

юм.

Чида тақдир синовларига,

Дардларингни олайин ўзим.

Сокин тунлар чекинар аста,

Мунаввар тонг кўрсатади

бўй!

Ёш бошингга тушган

кунларни,

Парвардигор хохишига йўй.

Фариштадек қизларинг учун,

Қаддингни тик кўтар мағрур

тур!

Яратгандан бахтини тила,

Фарзандларинг камолини

кўр!