Tasodifiy maqola: Ajal soati (4-qism)
Xonada sochlari qop qora qilib bo’yalgan, badani kinolardagi vampirlarnikidanda oppoq marmariy... Davomi...
Reklama

O‘zbekistonda koronavirusga chalinganlar soni 167 nafarga yetdi

O‘zbekistonda koronavirus infeksiyasi bilan kasallanganlik holatlari soni 9 taga oshib, 167 tani tashkil etmoqda. Bu haqda Sog‘liqni saqlash vazirligi xabar berdi.

SSV xabarida infeksiya yuqtirib olgan bemorlarning kim ekanligi, kasallikni qanday yuqtirib olganiga aniqlik kiritilmagan.

31-mart tongida ham kasallanganlar soni oshgani, yana 8 bemorda koronavirus aniqlanib, ular 158 nafarga yetgani xabar qilingandi.

Eslatib o‘tamiz, avvalroq 12-mart kuni Umra safaridan Turkiya orqali qaytgan namanganlik ayolning koronavirusga chalingan 72 yoshli onasi 27-mart kuni tongda infarktdan vafot etgani, uning dafn marosimida birorta ham qarindoshi qatnashmagani haqida xabar berilgan edi.

Bundan tashqari, koronavirusning ikkinchi qurboni — Toshkentda vafot etgan 39 yoshli shifokor kasalligini yashirib, o‘zini uyda davolashga uringani, undan qashqadaryolik 14 yoshli jiyaniga yuqqani, viloyat yuqumli kasalliklar shifoxonasiga yotqizilgan o‘smirning ahvoli o‘rta og‘irlikda ekani aytilgan edi.

Qayd etish joiz, O‘zbekistonda 31-mart soat 17:30 holatiga ko‘ra, yetti nafar bemor sog‘aygan.
Manba: Daryo nashri
Reyting: •
+-
: admin
: 31.03.2020 / 15:10
Fikrlar (0)
O`zbekiston yangiliklari
Reklama
Statok.netMtop.su1top.su